Улуттук коопсуздук боюнча мамлекеттик комитеттин төрагасы болуп дайындалган Камчыбек Ташиев учурда журналисттер менен маалымат жыйын курууда. Анда Тилек Матраимовдун үй камагына чыккандыгы боюнча суроого жооп берип жатып аталган үй-бүлө тууралуу жакында толук иликтөө жүрөт деп билдирди.
“Тилек Матраимов боюнча кече Ош облустук соту үй камагына чыгарыптыр деп уктум. Соттун чечимине биз эч кандай кийлигише албайбыз. Бирок бул үй-бүлө боюнча биз толук иликтөө жүргүзөбүз. Муну жакында угасыңар”, деди Ташиев.
