Министрлер кабинетинин төрагасынын орун басары, УКМКнын төрагасы Камчыбек Ташиев Талас шаарындагы Э. Кутманалиев атындагы стадионду толук оңдоп-түзөөдөн өткөрүүнү тапшырды. Бул тууралуу УКМКдан кабарлашты.
УКМК билдиргендей, аталган стадион 1989- жылы курулуп, бүгүнкү күнгө чейин бир канча жолу оңдоп-түзөөдөн өткөрүлгөн. Бирок заманбап шарттарга муктаж. Андыктан Камчыбек Ташиев стадионду толук кандуу реконструкциядан өткөрүү тапшырмасын берген.
«Э.Кутманалиев атындагы стадион жалпы 2300 орунга ылайыктуу болуп, спорттун түрлөрү боюнча бөлмөлөр, спортчулар үчүн жатакана, чечинүүчү, жуунучу бөлмөлөрү бар. Деген менен алардын басымдуу бөлүгүнүн эскилиги жеткен», — деп айтылат маалыматта.
