21-июлдан тартып Ташкентте коронавирустан үй шартында дарыланып жаткан бейтаптарга бекер дары-дармек таратыла баштайт.
Бул тууралуу Өзбекстандын Саламаттык сактоо министрлигинин Координациялык кеңешинин төрагасы Хабибулла Акилов билдирди.
Анын айтымында, Ташкенттеги бейтаптар үчүн медикаменттер салынган 5000 куту даярдалды.
Буга чейин Өзбек өкмөтүнүн чечими менен үй шартында дарыланып жаткан бейтаптарга дары-дармектер бекер берилери айтылган.