Өзбекстандык Fly Kiva авиакомпаниясы Ташкент-Тамчы (“Ысык-Көл” эл аралык аэропорту) багыты боюнча алгачкы жүргүнчүлөр каттамын ишке ашырды. Бул тууралуу «Кыргызстан аэропорттору» маалымдады.
Алгачкы каттам кечээ, 22-июнда аткарылды. Эми каттамдар 10-августка чейин жекшемби күндөрү жүргүзүлөт.
«Бул багытта каттамдардын ачылышы Өзбекстан менен Кыргызстандын ортосундагы ыңгайлуу жана жеткиликтүү авиакаттамдардын мүмкүнчүлүгүн кеңейтип, туризмди жана ишкердик байланыштарды өнүктүрөт»,- деп айтылат маалыматта.
Билеттерди авиакассалардан сатып алууга болот.