Тажикстан менен Ооганстандын энергетикалык компаниялардын жетекчилери 2023-жылы кызматташуу боюнча документке кол коюшту. Кол коюу Түркиядагы жолугушууда болгонун бүгүн, 11-январда Sputnik Тажикстан маалымат агенттиги билдирди.
Мекеменин маалыматына караганда, тажик энергохолдинги «Барки Точик» менен ооган энергетикалык компаниясы «Да Афганстан Брешна Шеркат» (DABS) электр энергиясын экспорттоо боюнча макулдашууга жетишти. Бул боюнча келишимге компаниялардын өкүлдөрү Махмадумар Асозода (Тажикстан) жана Мохаммад Ханиф Хамза (Ооганстан) кол коюшту.
Ооганстан Тажикстандан электр энергиясын негизги импорттоочу болуп саналат. Ошол эле учурда Кабул былтыр Дүйшөмбүгө 28 миллион долларга жакын карыз болгон.
Телеграм каналыбызга катталыңыз