Баткенде тийиштүү документтери жок аткезчилик жүк ташыган унаалар кармалды. Бул тууралуу УКМКнын басма сөз кызматы билдирди.
Маалыматка караганда, Кыргызстандын аймагында аткезчиликти аныктоо жана бөгөт коюу боюнча жүргүзүлгөн ыкчам издөө иш-чаралардын жүрүшүндө, бүгүн, 16-июнда “Элдик Кошун” аталган элдик кошуундун өкүлдөрү менен биргеликте жалпы салмагы 23,5 тонна минералдык жер семирткич (нитрат) жана 9000 литр күн карама майы менен К.Н. аттуу жардын башкаруусундагы “Мерседес-Бенц Спринтер” жана Н.М.нын башкаруусундагы “Scania” үлгүсүндөгү 2 жүк ташуучу унаа кармалды.
Тиешелүү документтерин текшерүү учурунда жүктөрдү коштоочу документтерде минералдык жер семирткичтер гана көрсөтүлүп, өсүмдүк майы селитра салынган мүшөктөрдүн астына катылгандыгы аныкталды.
Ошондой эле, М.Э.нын башкаруусундагы “Мерседес-Бенц Спринтер” үлгүсүндөгү унаа Раззаков шаарынан Лейлек районунун Арка айылын көздөй “Самаркандек-Маргун” айланма жолунда Тажикстанга өткөрүү үчүн 3,5 тонна эт фаршын жүктөп бара жаткан жеринен кармалган.
Азыркы учурда бул факты боюнча тиешелүү чараларды көрүү үчүн тактоо иш-чаралары жүргүзүлүүдө.
