АКШнын Лос-Анджелес шаарында болуп жаткан баш аламандыктарга байланыштуу Тышкы иштер министрлиги аталган аймакта жүргөн кыргызстандыктарды күчөтүлгөн сактык чараларын көрүүгө чакырды.
Маалыматка ылайык, учурда аталган шаарда Кыргызстандын жарандарын кармоо учурлары катталган жок.
ТИМ жеке коопсуздукту камсыздоо үчүн төмөнкү эрежелерди кармануу сунуштады:
- баш аламандыктар катталган же болушу ыктымал болгон райондорго барбоо;
- эл көп чогулган жерлерге баруудан кармануу;
- митингдерге, демонстрацияларга жана башка массалык иш-чараларга катышпоо.
Мындан тышкары, ТИМ өзгөчө кырдаалдар жаралган маалда Кыргызстандын Чикаго шаарындагы башкы консулдугуна төмөнкү «ыкчам байланыш» телефондору аркылуу дароо кайрылуу керектигин билдирди: (312) 929 34 42; +1 (312) 994 24 16.