Күздө өтө турган парламенттик шайлоого катышуу каалосун билдирген 44 партиянын ичинен тогузу жарыштан чыкты. Бул тууралуу Борбордук шайлоо комиссиясынан билдирди.
БШКнын маалыматына караганда Агрардык партия, “Демократ”, Кыргызстан коммунисттеринин партиясы, “Эмгек”, “Бийлик элге”, Кыргызстандын Элдик-демократиялык партиясы, “Бирик”, “Таза коом” жана “Жаратман Эл” партиялары шайлоого катышпайт.
Алардын айрымдары башка партияга кошулган, айрымдары шайлоо фонду үчүн эсеп ачкан эмес.
Саясий партиялар 20-августка чейин курултай өткөрүп, талапкерлердин тизмесин жарыялоосу керек. 24-август күнү кечке чейин талапкерлердин тизмеси боюнча документтер БШКга тапшырылып, 4-сентябрга чейин тактоо иштери аякташы керек.