Тогуз-Торо жана Аксы районунун аймагында өскөн 3 тоннадан ашык жапайы кара куурай өрттөлдү. Бул тууралуу Жалал-Абад облустук милициядан билдиришти.
10-июлда өткөрүлгөн “Паутина” рейдинин алкагында Тогуз-Торо районунан 7 гектар аянттан жапайы өскөн кара куурай чабылып, 2 тоннага жакын кара куурай өрттөлгөн. Ал эми Аксы районунун аймагынан 1,5 тоннадан ашык кара куурай чабылып, өрттөө жолу менен жок кылынган.
Бул профилактикалык иш-чарага милициядан сырткары айыл өкмөттөн, элдик кошуундан, жергиликтүү тургундардан жана чек аралаш жайгашкан аймактардын чек ара кызматынын жоокерлери да катышып, жеринде АКТылар түзүлгөн.