logo
press@reporter.kg
  • facebook
  • odnoklassniki
  • twitter
  • instagram
  • telegram

Токиодо быйыл өтө турган Олимп оюндары кийинкиге жылуусу мүмкүн

Токиодо быйыл өтө турган Олимп оюндары кийинкиге жылуусу мүмкүн

Жапон бийлиги пандемияга байланыштуу Токиодогу Олимпиада оюндарын жылдыруу керек деген бүтүмгө келди. Бул тууралуу Times өкмөттөгү өз булактарына таянуу менен билдирди.

Маалыматка караганда, жапон бийлиги “жүзүн сактап калуу менен” бул чечимди дүйнө жүзүнө жарыялоо жолдорун издеп жатат. “Эч ким бул тууралуу биринчи үн каткысы келбейт, бирок баары Олимпиада өткөрүү оор болорун түшүнүп турат”, – деген басылманын булагы. Мындай бүтүм кабыл алууга пандемиянын кышкы толкуну себеп болду.

Жапон өкмөтүнүн башкы катчысынын орун басары Манабу Сакаи бул билдирүү чындыкка дал келбей турганын билдирди. Ошол эле маалда ал жапон өкмөтү чет өлкөлөрдөгү кырдаалды эске алып жатканын, мелдеш тууралуу кайсы бир учурда акыркы чечим кабыл алынарын белгиледи. Ага чейин Токио 2021-жылы жайында Олимпиада оюндарын өткөрүү үчүн даярдык көрүп жатат.

Эл аралык Олимпиада комитетинин башчысы Томас Бах азырынча Токиодо өтө турган Олимпиада оюндарын жылдыруу жөнүндө кеп жок экенин айтты.

Токиодогу жайкы Олимп оюндары 2020-жылы 24-июлдан 9-августка чейин өтүшү керек болгон. Пандемияга байланыштуу ал 2021-жылга жылдырылган.

Рубрики: ЖАҢЫЛЫКТАР , СПОРТ

Поделиться в социальных сетях:

Тема боюнча жаңылыктар

Бардык жаңылыктар >>