Токмок шаарында 40 жаштагы жаран колунун кан тамырын кесип, жаңы курулуп жаткан имараттын 9-кабатынан секирүүгө аракет кылып жатканда куткарылды. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка караганда, окуя саат 20:32 чамасында Чүй облусуна караштуу Токмок шаарынын Жантаев көчөсүндө болгон.
Жерине Өрткө каршы куткаруу кызматынын 4 куткаруучусу тартылып, өз өмүрүн кыюуга аракет кылган жаранды 9-кабаттан түшүрүшүп, биринчи медициналык жардам көрсөткөн соң, ИИМ жана тез жардам кызматкерлерине өткөрүп беришкен.
Алдын ала маалыматка караганда 1982-жылы туулган С.А. аттуу жаран ( эркек) мас абалында болгон.
