Чүй облусунун Ички иштер башкы башкармалыгынын жана Токмок шаарынын ИИБнын ыкчам кызматкерлери изи сууй электе үч адам өлтүргөндөрдү кармашты. Бул тууралуу облустук ички иштер башкармалыгынын басма сөз кызматы билдирди.
2021-жылдын 9-январында жергиликтүү тургунга Токмок шаардык ички иштер бөлүмүнүн нөөмөт бөлүмүнө ошол эле шаарындагы тургундан үйлөрдүн биринде үйдүн ээси жаракат алгандыгы тууралуу билдирүү түшкөн.
Милиция кызматкерлери жерине барып, денесинен ар кандай жаракаттарды алган үч эркек киши табышкан, кийинчерээк алардын бири тез жардам бригадасы тарабынан биринчи жардам көрсөтүү учурунда алган жаракатынан улам көз жумган, дагы экөө аймактык оорукананын жандандыруу бөлүмүндө каза болгон.
Окуя болгон жерди текшерүү учурунда милиция мушташтын белгилерин, сынган арак бөтөлкөлөрүнүн сыныктарын табышкан.
Бул факт кылмыштардын жана жооруктардын бирдиктүү реестрине «адам өлтүрүү» беренеси менен катталган.
Сотко чейинки процесстин жүрүшүндө милиция кызматкерлери каза болгон эки кишини аныкташты: үйдүн ээси 1981-жылы туулган Э.Т., 1988-жылы туулган Д.А., учурда үчүнчүсүнүн өздүгү такталууда.
Чүй облусунун ИИББнин жана Токмок шаарынын ИИБнын кызматкерлери тарабынан жүргүзүлгөн ыкчам-издөө иш-чараларынын жүрүшүндө кылмышка шектүү катары ошол эле күнү, 1984-жылы туулган К.Т., жана С.М. , колго түшкөн. Алар кылмыш жасагандан кийин, Кемин районуна из жашырып кетишкен.
Тергөөнүн алдын-ала божомолу боюнча, кылмышка эркектердин мас абалындагы урушу түрткү болгон, анда эки шектүү үч каза болгон адамдын денесине көптөгөн жаракат келтиришкен, андан кийин алар белгисиз тарапка качып кетишкен.
Учурда кылмышка шектүүлөр Токмок шаарынын ИИБдөгү убактылуу кармоочу жайына киргизилди. Бардык керектүү экспертизалар дайындалды. Сотко чейинки процесстер уланууда.
