Жактоочу Нурбек Токтакунов кайрадан Бишкектин Биринчи Май округу боюнча депутаттыкка талапкерлигин көрсөттү. Бул тууралуу ал Фейсбук баракчасына жарыялады.
Эскерте кетсек, Нурбек Токтакунов ушул жылдын 28-ноябрында өткөн шайлоодо буга чейин Биринчи Май районуна талапкерлигин коюп, төртүнчү орунду ээлеген. Райондо шайлоо өткөн жок, анткени шайлоочулардын көпчүлүгү “бардыгына каршы” деген графага (32,92%) добуш берип, Нурбек Токтакунов 11,31% добушка ээ болгон.
Жактоочу кайра шайлоолорго катышуу ниетин шайлоонун жыйынтыгы жарыялангандан кийин эле билдирген.
Ал буга чейин маалымат каражаттарына интервью берип, саясатка келгенин белгилеген.