Бүгүн, 27-апрелде Токтогул суу сактагычындагы суунун көлөмү 8 миллиард 650 миллион куб метрди түзөт. Бул тууралуу “Электр станциялары” ишканасынан билдиришти.
Маалыматка ылайык, суунун агып келиши секундасына 235 куб метрди түзсө, агып чыккан суунун көлөмү 327 куб метрге жетүүдө.
Ал эми 2020-жылы апрел айынын орто ченинде суунун көлөмү 11 миллиард 458 миллион куб болгон. Быйыл былтыркыга салыштырганда суунун көлөмү 2 миллиард 808 миллион кубга аз.
