Аламүдүн районунда куткаруучулар буту сынган аялды тоодон түшүрүштү. Бул тууралуу ӨКМдин маалымат кызматы билдирди.
Маалым болгондой, 2-апрелде Аламүдүн районуна караштуу Байгелди айылына жакын тоого жолдошу менен эс алганы барган 49 жаштагы М.А. аттуу аял бутун сындырып алган.
Жаранга жардам көрсөтүү үчүн жерине Аламүдүн райондук ӨК бөлүмүнүн 4 куткаруучусу тартылган.
Адистер куткаруу шаймандарынын жардамы менен жабыркаган аялды тоодон алып түшүп, «Тез жардам» кызматына өткөрүп беришкен.
Учурда абалы туруктуу.
Биздин Телеграм каналга катталыңыз