2020-жылдын апрель айында Ысык-Көл облусунда тоодон сөөгү табылган эркек кишинин өздүгүн тактоо боюнча жүргүзүлгөн экспертизанын жыйынтыгы чыкты.
Ысык-Көл облустук милициясынын маалыматына караганда, ал 2019-жылдын июль айында “Хан-Теңири” лагеринен 2 адамды атып өлтүрүп качып кеткен күзөтчү Сергей Смирнов болгон.
Анын сөөгүн 3-апрель күнү жергиликтүү чабандар таап, укук коргоо органдарына кабар берген. Маркумдун жанында ок атуучу курал болгон жана ал өз өмүрүнө өзү кол салган. Оозунан атылган ок башынан чыгып кеткен.