Кыргыз-тажик чек арасындагы куралдуу жаңжалда жабыркаган Баткен облусунун чек ара аймактарынын жашоочуларынын насыясын төрт банк кечти. Бул тууралуу өкмөттүн облутагы ыйгарым укуктуу өкүлүнүн басма сөз кызматынан билдиришти.
Маалыматка ылайык, “Мол-Булак”, “Компаньон”, “РСК”, “Бай-Түшүм” банктары чек арадагы окуяда жабыркап, кыйынчылыкка дуушар болгон кардарларынын насыясын кечүү чечимин кабыл алышкан.
Мындан сырткары, “Компаньон” банкы 2 миллион сомдук гуманитардык жардам көрсөткөн. “РСК” Банкы Баткен облусуна 2 миллион 284 миң сом каражат которгон.