АКШнын президенти Дональд Трамп коронавирус жуктуруп алды. Күн мурун анын жардамчысы Хоуп Хиксте COVID-19 аныкталып, Трамп менен жубайы Мелания тест тапшырышкан.
Tonight, @FLOTUS and I tested positive for COVID-19. We will begin our quarantine and recovery process immediately. We will get through this TOGETHER!
— Donald J. Trump (@realDonaldTrump) October 2, 2020
Хикс 29-сентябрда президент менен Кливлендде өткөн дебаттарда, 30-сентябрда Миннесотадагы митингде чогуу болгон.
Ак үйдүн расмий өкүлү Жад Дирдин билдирүүсүндө: «Президент өзүнүн жана айланасындагылардын ден соолугуна, коопсуздугуна олутуу мамиле кылат», — деп жазылган.
Май айында АКШнын вице-президенти Майк Пенстин басма сөз катчысы Кэти Миллердин, июлдун аягында президенттин улуттук коопсуздук маселелери боюнча жардамчысы Роберт О’Брайендин коронавирус жуктуруп алганы аныкталган. Эки аткаминер тең айыгып, жумушка кайтышкан.
Трамп АКШда шайлоо өнөктүгү кызып жаткан маалда ооруп калды. Өлкөдө президенттик шайлоо 3-ноябрда өтөт.