Кыргызстанда туризмди өнүктүрүү үчүн жайыт жерлерди жеңил конструкциядагы имарат куруу үчүн ижарага алууга уруксат берүү сунушталууда. Бул тууралуу Жогорку Кеңештин Конституциялык мыйзамдар, мамлекеттик түзүлүш, сот укук маселелер боюнча комитетинин жыйынында айтылды.
Депутат Мейкинбек Абдалиев аталган сунуш өкмөт демилгелеген жаңы Жер кодексинде каралганын айтып, жайыт жер канча мөөнөткө ижарага берилерин сурады.
Суроого айыл чарба министринин орун басары Кубат Касейинов жооп берип, жайыт жер алгач 5 жылга ижарага берилерин, андан кийин анын мөөнөтүн узартып алууга болорун билдирди.