Түркиянын түндүк-батышындагы Бурса шаарында шейшемби күнү кечинде батирде чыккан өрттөн 9 сириялык, анын ичинде бир жаштан он эки жашка чейинки сегиз бала каза болду.
Алдын ала маалыматтарга караганда, өрттүн келип чыгышына газ плита менен иштөөдө коопсуздук эрежелеринин сакталбагандыгы себеп болгон. Өрт өчүрүлгөндөн кийин батирден аялдын, анын алты баласы жана эки жээнинин сөөгү табылган.
Түрк басылмаларынын маалыматына караганда, каза болгон балдардын атасы жана үч кошунасы ооруканага жаткырылган.
Биздин Телеграм каналыбызга катталыңыз