Иорданияда 17 жашка чейинки (U17) балбандар арасында Азия чемпионаты өтүүдө. Мелдеш 22-июнда башталган. Азия чемпионатынын алгачкы эки күнүндө грек-рим балбандары таймашты. Кыргызстандык спортчулардан 48 кг салмакта Ислам Темирбеков жана 55 кг салмакта Элдар Мырзакулов коло байге тагынды. Бүгүн, 24-июнда Азия биринчилиги эркин жана кыз-келиндер күрөшү боюнча таймаштар менен уланат.