Учурда Кыргызстан боюнча 16 миң адам жаңы үлгүдөгү айдоочулук күбөлүктү алмаштырбай, убактылуу эски документи менен жүрөт. Бул тууралуу Мамлекеттик каттоо кызматынан билдиришти.
2019-жылдын 10-июлунан баштап берилген убактылуу айдоочулук күбөлүктөрдүн жарактуу мөөнөтү ушул жылдын 15-февралында аяктаган.
“16-февралдан тартып убактылуу айдоочулук күбөлүктөр жараксыз болуп калды. Эгер айдоочулар убактылуу айдоочулук күбөлүгү менен кармалса анда айдоочунун тиешелүү документи жок деп эсептелинет. Бирок документти алмаштыруу иши улантылып жатат”, — деп айтылды маалыматта.
Күбөлүктөрдү алмаштыруу боюнча арыздар “Унаа” мамлекеттик ишканасынын аймактык бөлүмдөрүндө кабыл алынып жатат. Арыздар Бишкек шаарында Ч. Валиханов көчөсү 2 дарегинде (“Аю Гранд” гипермаркети району) кабыл алынууда.
Ал эми даярдалып бүткөн күбөлүктөр М.Ауэзов 1/5 (Два прораба гипермаркети) дарегиндеги ММК №4 элди тейлөө борборунда таратылып жатат.