УКМК саясатчы Азимбек Бекназаров кылмыштуу кирешелерди мыйзамдаштырууга шектелип кармалганын билдирди.
Маалыматка ылайык, 2010-жылы апрелде төңкөрүш болгондон кийин банк кутучуларынан, Өкмөт үйүнөн алынган акчалардын уурдалышы жана коротулушу боюнча кылмыш иши козголгон.
Атайын кызматтын маалыматы боюнча, 2010-жылдагы Убактылуу өкмөттүн мүчөсү Азимбек Бекназаровдун укук коргоо органдары тарабынан камакка алынган акчаларга ээлик кылып алууга катыштыгы бар экендиги аныкталган. Кийин ал акчага Ысык-Көл, Чүй, Жалал-Абаддан жана Бишкектен кымбат объекттерди сатып алып, башка адамдарга каттатканы белгилүү болгон.
Аталган факт боюнча Азимбек Бекназаров 12-сентябрда кармалып, УКМКнын убактылуу кармоочу жайына камакка алынган. Ал «кылмыштуу кирешелерди адалдоо» беренеси боюнча шектелүүдө.