Бишкектеги Панфилов сейил багындагы теннис аянтчасынын жери мамлекетке кайтарылды. Бул тууралуу УКМКдан билдиришти.
Атайын кызматтын маалыматы боюнча, теннис аянтчасынын жерин буга чейин чоң кызматта отурган адамдар мэриядан токтом чыгартып жеке менчикке берип жиберишкен.
УКМК алардын иш-аракети менен аталган жер мамлекетке кайтарылган, ал боюнча соттун чечими чыкканын билдирди. Бирок ал жер кимдин менчигинде болуп келгени тууралуу маалымат берген жок.
Теннис аянтчасы турган жердин аянты 48 сотыхты түзөт. Ал 268 млн 900 миң сомго бааланууда.
