Чүй облусунда баасы 4 млрд сомдон ашкан өнөр жай багытындагы жер мамлекетке кайтарылды. Бул тууралуу УКМКдан билдиришти.
Маалыматка караганда, М.Н.К. аттуу экс-депутат Кеминдеги 353,3 гектар жерди тааныш-билиш компаниялары аркылуу жеке менчикке мыйзамсыз чыгарып кеткени аныкталган. Натыйжада баасы 4 млрд 7 млн 77 миң сом болгон жер мамлекетке кайтарылды.
Өздүк булактар Reporter.kg’ге сөз болуп жаткан депутат маркум Макеев Нурланбек Кадыкеевич экенин билдирди. Жогорку Кеңештин VI чакырылышынын депутаты 2018-жылы көз жумган.