Кримтөбөл Камчы Көлбаевдин уюшкан кылмыштуу тобунун мүчөлөрү акча опузалоого шектелип кармалды. Бул тууралуу Улуттук коопсуздук мамлекеттик комитетинен билдиришти.
Маалыматка караганда, Көлбаевдин уюшкан кылмыштуу тобундагы И.Ж. жана В.Ш. аттуу балдар Көлбаевдин абакта отурган адамдары менен алдын ала сүйлөшүп алып, Токмок шаарынын тургунунан 2,5 миң доллар опузалаган.
Шектүүлөр 26-сентябрда 210 миң сом акча алып жаткан жеринен УКМКнын кызматкерлери тарабынан колго түшүрүлгөн. Алар УКМКнын убактылуу кармоочу жайына камакка алынган.
Учурда бул ишке тиешеси бар адамдарды аныктоо иштери жүрүүдө.
Биздин Телеграм каналыбызга катталыңыз