Чүйдүн Жайыл районунун Кара-Балта шаарындагы унаа бекет мамлекетке кайтарылды. Бул тууралуу УКМКдан кабарлашты.
Маалыматка караганда, буга чейин Чүйдүн мамлекеттик администрациясынын жана Жайыл районунун жергиликтүү бийлигинин жооптуу адамдары тарабынан Кара-Балтадагы унаа бекети 0,60 гектар жери менен жеке менчикке берилген. Текшерүү иштеринин жүрүшүндө анын ээси унаа бекетин мамлекетке өз ыктыяры менен өткөрүп берген. Анын баасы 209 млн сомго жетет.
