Темирбек Эркинов тышкы иштер министринин орун басары болуп дайындалды. Бул тууралуу өкмөттүн маалымат кызматы билдирди.
Тиешелүү тескемеге өкмөт башчы Акылбек Жапаров кол койгон.
Эскерте кетсек, буга чейин Темирбек Эркинов Акылбек Жапаровдун кеңешчиси, Кыргыз-венгер өнүктүрүү фондунун башчысы болгон. Быйыл май айынын башында ал УКМК тарабынан коррупция боюнча козголгон кылмыш ишинин алкагында кармалып, эки аптадан кийин үй камагына чыгарылган.
Жергиликтүү ММКлар жазгандай, ал күнөөнү мойнуна алуу тууралуу келишим түзгөндүктөн камактан бошотулган.
Акылбек Жапаровдун коррупцияга шектелген кеңешчиси жумушка чыкты