Жалал-Абад облусунда баңгизат сатууга шектелип милиция кызматкери кармалды. Бул тууралуу УКМКдан билдиришти.
Маалыматка караганда, Сузактын Бек-Абад айылдык милиция бөлүмүнүн кызматкери, капитан К.К. уулу көптөн бери баңгизат сатуу менен алектенип жүргөн. 14-декабрда УКМК менен милиция кызматкерлери аталган капитанды баңгизат сатуу учурунда колго түшүргөн. Аны менен бирге маңзат сатууга катыштыгы бар И.И. жана У.Ш. аттуу тургундар кармалган.
Алардан жалпы 562 грамм баңгизат алынган.
Учурда шектүүлөр УКМКнын убактылуу кармоочу жайына камакка алынган. Тергөө иштери уланууда.