31-январда Red Center соода борборунун кызматкерлеринин биринин абоненттик номуруна бомба коюлганы тууралуу атайылап жалган билдирүү түшкөн.
УКМКнын басма сөз кызматы билдиргендей, жүргүзүлгөн ыкчам-издөө иш-чараларынын жыйынтыгында анонимдүү билдирүүнү жөнөткөн жаран З.Д.К. болуп чыкты.
Бул факты боюнча КРнын Кылмыш-жаза кодексинин 259-беренесинин (Терроризм актысы жөнүндө атайылап жалган билдирүү) негизинде сотко чейинки өндүрүш иштери башталды. Тергөө иш-чаралары жүргүзүлүүдө. Келтирилген зыян да эсептелинет.
Учурда түзөтүү колонияларында тыюу салынган буюмдарды табуу боюнча издөө иш-чараларын жүргүзүү пландаштырылууда.