УКМКнын Чек ара кызматы авиабилеттерди сатып алуу үчүн тендер жарыялады. Бул тууралуу мамлекеттик сатып алуулар порталында айтылат.
Тендердин баасы 19 млн 224 миң 761 сомду түзөт. Бул суммага мекеме 2023-жыл үчүн УКМКнын Чек ара кызматынын курсанттары жана алардын үй-бүлө мүчөлөрү окуган чет мамлекеттердин шаарларына аба транспортунун кызматын сатып алууну пландаштырууда. Тендердин негизги бөлүгү — 13 млн 500 миң сом Түркияга (Стамбул, Анкара, Конья, Измир, Эгирдир, Испарта) авиабилеттерди сатып алууга жумшалат.
Тендердик билдирүүдө конкурстук соодага катышууну каалаган авиакомпаниялар жана авиагенттиктер Бишкек шаарынын ичинде 24 саат бою иштеген кассага ээ болушу керек, ошондой эле көрсөтүлгөн кызматтар үчүн төлөм кардардын өз убагында төлөнбөгөндүгү үчүн айыптык санкцияларды кошпостон каржылоо жеткиликтүү болушу керектиги айтылат.
Биздин Телеграм каналга катталыңыз