Улуттук банк ушул жылдын апрель айынан бери биринчи интервенцияны жүргүздү. Бул тууралуу аталган банктын расмий сайтына жазылды.
27 -сентябрда Кыргызстандын Улуттук банкы валюта рыногуна чыгып, дароо 33,1 миллион доллар сатты. Бул быйылкы эң ири бүтүмдөрдүн бири.
Эске салсак, буга чейин жалпысынан 270 миллион 450 миң долларга алты интервенция ишке ашырылган, бирок жыл башынан бери сомдун АКШ долларына карата курсун турукташтыруу үчүн 303 миллион 550 миң доллар сарпталган.