Кыргызстандын Улуттук банкы 7-декабрда валюта рыногуна чыгып, быйылкы жылдын он төртүнчү интервенциясын өткөрдү.
Бул жолу Улуттук банк 71,3 миллион доллар сатты. Бул 23-ноябрда болгон мурдагы эң ири интервенциядан 1 миллион долларга көп.
Эске салсак, акыркы жолу 26-ноябрда Улуттук банк валюта рыногуна чыгып, 44 миллион 650 миң доллар саткан. Жыл башынан бери регулятор сомдун курсун кармап калуу үчүн 633 миллион доллар короткон.