Улуттук госпиталда инсульттан кийин бейтаптар үчүн реабилитациялык бөлүм ачылат. Бул тууралуу Саламаттыкты сактоо министрлигинин штаттан тышкаркы башкы невропатологу, Улуттук госпиталдын №3 неврология бөлүмүнүн башчысы Жамал Тургунбаев маалымат жыйынында билдирди.
Анын айтымында, Улуттук госпиталда эндоваскулярдык хирургия (кан тамырларга тери аркылуу хирургиялык кийлигишүү) да жүргүзүлө баштады.
Республикада инсульт менен ооругандар үчүн атайын жабдылган 138 керебет бар. Алар Бишкек шаарында: Улуттук госпиталда, №1 шаардык клиникалык ооруканада, шаардык клиникалык тез жардам ооруканасында.
«Ош жана Нарын шаарларында атайын инсульт жана 38 реанимация бөлүмдөрү бар», — деди ал.
Биздин Телеграм каналга катталыңыз