Транспорт каражаттарынын алдыңкы эшиктеринин каптал айнектерин караңгылатуунун баасы 90 күнгө арзандайт. Бул тууралуу Транспорт каражаттарын жана айдоочулук курамды каттоо боюнча мамлекеттик агенттиги билдирди.
Акция учурунда автоунаанын айнектерин караңгылатуу үчүн жарандар 80 миң сом ордуна 50 миң сом, юридикалык жактар 70 миң сом (100 миң сом ордуна), чет элдик жарандар 90 миң сом (120 миң сом) төлөйт.
Мекеменин маалыматында, 2023-жылы мындай 60 күндүк акциянын жүрүшүндө республикалык бюджетке 212 миллион 560 миң сом түшкөн.