Бишкекте бейбаштыкка шектелген жаран кармалды. Бул тууралуу Патрулдук милиция кызматынын жетекчилиги билдирди.
Маалыматка ылайык, милицияга 35 жаштагы жарандан белгисиз адам анын унаасынын терезесин кирпич менен сындырып, изин жашырып кеткендиги тууралуу билдирүү түшкөн.
Окуя болгон жерге Патрулдук милициянын кызматкерлери келишкен. Кылмышка шектүү 40 жаштагы Н.М. кармалган. Кырдаалды андан ары иликтөө үчүн борбордун Биринчи Май райондук ички иштер башкармалыгына өткөрүлүп берилди.
