Нарын районунда унаасы менен сууга түшүп кеткен адамдын жансыз денеси табылды. Бул тууралуу ӨКМдин басма сөз кызматы билдирди.
Маалыматка караганда, Солтон-Сары жайлоосунда иштеп жаткан алтын кен комбинаттын 31 жаштагы жумушчусу Ж.А. 5-апрелде жүк ташуучу унаа менен сууга түшүп кеткен.
Кырсык катталган жерде Нарын облустук башкармалыгынын, шаардык жана райондук өзгөчө кырдаалдар бөлүмүнөн, Кочкор райондук ӨКБнын суучул-куткаруучулары издеп-куткаруу иштерин аткарышты.
Алардын аракетинен соң, 7-апрелде саат 09:12де изделген жарандын сөөгү муздун астынан табылып, ИИМ кызматкерлерине өткөрүп беришти.
Биздин Телеграм каналга катталыңыз