Мамлекеттик салык кызматы 2021-жылдын январь-март айларында 21 миллиард 743 миллион сом салыктарды жана төлөмдөрдү чогулткан. План ашыкча 6,5%га же 1,3 млрд сомго аткарылды. Бул тууралуу фискалдык органдын басма сөз кызматы билдирет.
2020-жылдын ушул мезгилине салыштырмалуу 4,6 млрд сомго көп салык чогултулган, өсүү темпи 27,3% түзгөн.
«Ошол эле учурда республикалык бюджетке 17,1 млрд сом чогултулуп, план 104,4%га же 717 млн сомго ашыкча аткарылды. 2020-жылдын ушул мезгилине салыштырмалуу жыйымдар 3,9 миллиард сомго көбөйдү (өсүү темпи 129,6%)», — деп айтылат отчетто.
Жергиликтүү бюджетке салыктык түшүүлөр 4,6 млрд сомду түзүп, план 114,9%га же 603 млн сомго ашыкча аткарылды. 2020-жылдын ушул мезгилине салыштырмалуу 757 миллион сомдон ашык чогултулган (өсүү темпи 119,5%).
