Велосипед менен Ош шаарынан Меккеге ажылык сапарга кеткен жаран кайтып келди. Бул тууралуу мэриядан билдиришти.
Ош шаарынын 28 жаштагы тургуну Эрмахаммат Тожимахаммат 4-майда велосипед менен ажылык сапарга аттанган. Ал Өзбекстан, Казакстан, Грузия, Түркия жана Дубай аркылуу Сауд-Арабияга барып, мусулмандык парзын аткарган.
«Бүгүн, 13-июлда 71 күн өткөн соң Өзбекстан аркылуу өлкөгө аман-эсен кайтып келди. Аны Ош шаарынын борбордук аянтында Ош шаарынын мэриясынын өкүлдөрү, туугандары жана жакындары тосуп алышты», — деп билдирет мэрия.
Бардык жаңылыктар Телеграм каналда