Бишкектеги Жал кичирайонунда эки кыз көп кабаттуу үйдүн чатырына чыгып алган. 7-мартта болгон окуянын видеосу АКИpress’ке чыккан.
Бул окуя боюнча Бишкектин Ленин райондук милициясынын маалымат кызматы түшүндүрмө берип, кыздар аман-соо экенин билдирди. Алар көп кабаттуу үйдүн чатырына ойноп чыккан, жанын кыюуга аракет кылган эмес.
Милиция кызматкерлери видеодогу кыздар менен алардын ата-энесин таап, түшүндүрүү иштерин жүргүзгөн. Аларга жанагыдай жоруктарды жасоого жол бербөө керектиги эскертилген.