Бишкекте уурулукка шектүү жаран кармалды. Бул тууралуу Ленин райондук милициядан билдиришти.
Маалыматка караганда, 9-сентябрга караган түнү болжол менен саат 03:30да Чүй менен Кулиев көчөсүндөгү кафеде кызматкер уктап жатканда белгисиз жаран 45 миң сомдук IPhone X телефонун уурдап кеткен. Бул боюнча кафенин кызматкери милицияга кайрылган.
Аталган фактыга байланыштуу Кылмыш-жаза кодексинин 205-беренеси (уурдоо) боюнча кылмыш иши козголгон.
Ыкчам-тергөө иштеринин натыйжасында шектүү катары 32 жаштагы Т.Ш. аттуу жаран кармалган. Шектүү райондук милициянын тергөө кызматына жеткирилип, убактылуу кармоочу жайга камакка алынган.
Учурда иликтөө иштери уланууда.
Шектүү
Биздин Телеграм каналга катталыңыз