Москава шаарында жайгашкан соода борборлордун биринде 4 жаштагы кыргыз бала эскалатордон кулап кетти. Бул тууралуу Орусиялык басылмалар жазышууда.
Маалыматка ылайык, окуя 3-мартта орун алган. Анда төрт жаштагы бала чоңдордун коштоосусуз борборундагы эскалаторуна келип, эскалатордун кармагычын сыртынан кармаган боюнча илинип чыгып, кийинки кабатка жеткенде кулап түшкөн. Ал эми жаш бала ар кандай жаракаттар менен медициналык мекемеге жеткирилген.
Маалыматка таянсак, баланын апасы 25 жаштагы кыргыз жараны. Учурда бул окуяга байланыштуу текшерүү иштери жүрүп жатканы айтылат.