Чүйдүн Токмок шаарында бейбаштыкка шектелип 5 жигит кармалды. Бул тууралуу облустук милициядан билдиришти.
Маалым болгондой, Токмоктун милициясына 30 жаштагы жаран кайрылган. Ал билдиргендей, 3-августта таңкы саат бештерде шаардагы сейил бакта курулуш иштерин жүргүзүп жатканда белгисиз балдар келип, аны эч себепсиз сабап кеткен. Анын айынан ал ооруканага жеткирилген.
Аталган факт боюнча «бейбаштык» беренеси менен кылмыш иши козголгон.
Издөө иштеринин натыйжасында бул ишке шектүү катары 21 жаштагы Т.А., Х.И., 20 жаштагы К.С., Т.Б. жана А.А. аттуу балдар кармалды. Алар убактылуу кармоочу жайга камакка алынды.
Учурда тиешелүү соттук-укуктук экспертизалар дайындалып, окуяга катышы бар башка адамдарды аныктоо иштерүү жүрүүдө.