Парламенттин VII чакырылышынын депутаттары биринчи жыйынга 30-декабрда чогулат. Бул тууралуу Жогорку Кеңештин аппаратынан билдиришти.
Маалыматка ылайык, Борбордук шайлоо комиссиясы 27-28-декабрь күндөрү сот иштеринде болот.
Добуш берүүнүн жыйынтыгын жокко чыгаруу боюнча “Азаттык” партиясынын билдирүүсү каралды. Бишкек административдик соту аталган партиянын арызын канааттандырган жок.
Мындан тышкары, Жогорку сот Бишкек административдик сотунун чечимине карата эки кассациялык даттанууну кароого кабыл алды. Алардын бири депутаттыкка талапкер Медербек Саккараевдин No31 Чүй-Кемин шайлоо округу боюнча жана казак жарандыгына байланыштуу каттоосу.
Экинчи арыз: БШК Бишкек административдик сотунун «Альянс» партиясынын талапкери Жанар Акаев Токтобүбү Оргалчынын ордуна депутаттык мандат ала алат деген чечимине макул эмес. Боршайком биринчи инстанциянын чечимин жокко чыгаруу боюнча Жогорку сотко кайрылган.
Бул сот процесстери аяктагандан кийин жаңы шайланган депутаттарды каттоо боюнча чечим кабыл алынат.
Парламенттик шайлоо 28-ноябрда өткөн.