Якутияда кыргызстандык жаран түрмөгө түштү. Бул тууралуу бүгүн, 8-сентябрда парламенттин жыйынында депутат Сеидбек Атамбаев билдирди.
Ал жыйынга катышып жаткан президенттин жана министрлер кабинетинин Жогорку Кеңештеги өкүлү Алмасбек Абытовго бул маселени чечүүгө көңүл буруусун өтүндү.
«Кечээ мага кайрылышты. Якутияда Сагынбек уулу Талантбек деген бала түрмөгө түшүп калыптыр. Бул маселени элчиликке кайрылып чечсек. Алмас Акунжанович, бул маселеге көңүл буруп койсоңуз», — деди ал.
Бардык жаңылыктар Телеграм каналда