Жогорку Кеңештин 15-декабрындагы жыйынында депутат Таалайбек Масабиров («Ата-Журт») абанын булганышынын натыйжасында кандай оорулар пайда болорун сурады.
Саламаттыкты сактоо министринин орун басары Бүбүжан Арыкбаева акыркы 2-3 жылда анализ жүргүзгөнү боюнча билдирди.
«14 жашка чейинки балдар арасында аллергиялык оорулар 2,1%га, бронхиалдык астма 1,7%га өскөн. Ал эми чоңдор арасында: рак оорулары 1,1%, бронх-өпкө оорулары 1,3%, ошондой эле чоңдор арасында аллергиялык ринит, өнөкөт ларингит оорулары катталган», — деди саламаттыкты сактоо министринин орун басары.
Эл өкүлү буга чейин аллергия деген түшүнүк болбогонун кошумчалады.
«Бул улуттук трагедия. Түтүн баарын оорутуп жатат. Бул маселени тез арада чечишибиз керек», — деди Масабиров.
Буга чейин Каржы министрлиги Бишкекте абанын булганышын же ыш маселесин чечүү үчүн Дүйнөлүк банк менен сүйлөшүүлөрдү жүргүзүп жатканын маалымдаган.
Биздин Телеграм каналга катталыңыз