Ысык-Ата районунун Дмитриевка айылынын Ленин көчөсүндө жол кырсыгы болуп, бир адам каза болду.
Бул тууралуу Өзгөчө кырдаалдар министрлиги билдирип, дагы 3 адам ар кандай жаракаттар менен ооруканага жеткирилгенин кабарлайт.
Министрликтин маалыматына караганда, кырсык 7-июль күнү саат 07:00 чамасында болгон. Анда “ВАЗ-2107” жана “Mercedes-Sprinter” унааларынын ортосунда жол кырсыгы катталган.
ӨКМдин куткаруучулары каза болгон 23 жаштагы жигиттин сөөгүн чыгарып, милиция кыызматкерлерине өткөрүп беришкен.