Түп районунда 14 жаштагы кыз кош бойлуу экени аныкталды. Бул тууралуу “Репортёрго” облустук милициядан тастыкташты.
Маалыматка ылайык, 19-апрелде 39-жаштагы жаран арыз менен кайрылып, анын 14 жаштагы кызынын боюда бар экендигин билдирип, 16-жаштагы баланын үстүнөн мыйзам чегинде чара көрүп берүүсүн билдирген.
Аталган факты боюнча 164-берене (Он алты жашка жете элек адам менен сексуалдык мүнөздөгү аракеттер) менен сотко чейинки өндүрүш иши башталып, тийиштүү экспертизалар дайындалган.
Учурда, сотко чейинки өндүрүш ишинин алкагында тергөө амалдары жүрүүдө.