Ысык-Көл облусунда эне — баланы өлтүргөн деп шектелген адам кармалды. Бул тууралуу Ички иштер министрлигинин басма сөз кызматынан билдиришти.
Маалыматка ылайык, эне-баланы өлтүрүүгө шектелип, 26 жаштагы Ж.А. аттуу адам Бишкек шаарынан кармалган. Кийин тергөө иштерин улантуу үчүн Ысык-Көл райондук ички иштер бөлүмүнө жеткирилген.
Белгилей кетсек, 1-февраль күнү Ысык-Көл районунун Кашат айылындагы турак үйдөн 1967-жылы туулганИ.Ж. аттуу аялдын жана анын И.К. аттуу 1992-жылы туулган уулунун жансыз денеси табылган.