Ысык-Көл облусунда уу-коргошунга өспүрүмдөр ууланган жок. Бул тууралуу “Репортёрго” облустук милициянын басма сөз кызматынан билдиришти.
“Бул окуя 2018-жылы катталган. Анда 3 бала апасы жокто уу-коргошунду сок экен деп ичип, ууланып ооруканга түшкөн. Бүгүнкү күндө андай маалымат бизде катталган жок”, — деди Сталбек Усубакунов.
Белгилей кетсек, саламаттык сактоо министри Алымкадыр Бейшеналиев коронавирусту уу-коргошун менен дарылап жатканын айтып, бүгүнкү күндө 300дөн ашуун адам инфекциядан айыкканын билдирген. Ошондой эле дарыны Садыр Жапаров менен өзү кайнатып жатканын жана анын дозасын президент гана билерин айткан.